साउदी पुगेका ३० भन्दा बढी नेपाली कामदार विचल्लीमा...के यस्तै गरि बिदेशिनु हुनहुन्छ तपाईहरु एक पल्ट सबैले नजर अन्दाज गर्नुहोस यो ताजा खबर...

7:27 PM

भिडियो सहित हेर्नुहोस !

सुनसरी / सम्झौताअनुसार काम र सेवा सुविधा नपाउँदा साउदी अरबमा ३० जना भन्दा बढी नेपाली कामदार बिचल्लीमा परेका छन् । काठमाडौँको धोबिघाटमा रहेको प्यारामाउन्ट म्यानपावर कम्पनीमार्फत एक वर्ष अघि साउदीको जुबेलमा आएका नेपाली कामदारहरु बिचल्लीमा परेका हुन् । सेवा सुविधा नपाएको गुनासो गर्दा उल्टै कम्पनीले विभिन्न किसिमका धम्की दिदै कामबाट निकाली दिएको पीडितले बताएका छन् । राम्रो कमाई हुने प्रलोभनमा पारेर ती कामदारलाई साउदी पठाइएको भए पनि अहिले उनीहरु बेरोजगार बनेका छन् ।

म्यानपावर कम्पनीले उनीहरुलाई मासिक एकहजार २०० साउदी रियाल कमाई हुने आश्वासन दिएको भए पनि बिगत चार महिना देखि तलब पाएका छैनन भने कतिले बस्ने ठाउँ सम्प पाएका छैनन । कामदारबाट कम्पनीले झुटो आश्वासन दिएर प्रतिव्यक्ति रु एक लाखदेखि रु एकलाख ३० हजारसम्म रकम असुलेको कुमार आलेले बताए। उनिहरु साउदीको जुबेल भन्ने ठाउँमा रोडमा रात काटिरहेको बताईन्छ ।

उता गैर आवासीय नेपाली सङ्घ साउदीका अध्यक्ष नारायण पासवान पीडित नेपाली कामदारको उद्धारका लागि दूतावासलाई आग्रह गर्दै आएको र उद्धारको पहल भईरहेको जानकारी दिए । सरकारले खाडी मुलुक आउने कामदारका लागि ‘फ्रि भिसा फ्र टिकट’ लागु भएको जनाए पनि यहाँ आउने नेपाली कामदार भने लाखौँ रुपैयाँ तिर्न बाध्य भइरहेका छन् । उनीहरुले भने अनुसारको काम तलब र सेवा सुविधा पाउन नसक्दा थप समस्या झेल्नु परेको पासवानको भनाइ छ ।

भिडियो सहित हेर्नुहोस !