५० जना चढेको डुङ्गा माइखोलामा दुर्घटना, ८ जनाको शव भेटियो, ३१ जनाको उद्धार ....
8:03 PM
भिडियो सहित हेर्नुहोस !
Advertisement
बढी भार भएको र तीन दिनदेखि परेको अविरल वर्षापछि माइखोलामा बाढि आएको कारण डुङ्गा अनियन्त्रित भएर पल्टेको हुनसक्ने प्रहरीको अनुमान छ । शुक्रबार दिउँसो १२ बजेतिर भएको दुर्घटनामा ३१ जनाको सकुशल उद्धार गरिसकेको स्थानीय चन्द्रकान्त ढकालले जानकारी दिएको छ ।
माइखोलामा ठूलो बाढि आएको कारण पल्टिएको डुङ्गा पनि हराएको छ । डुङ्गामा कति सवार थिए भन्ने यकिन भने भएको छैन । स्थानीय बासिन्दाका अनुसार डुङ्गामा ५० जनाभन्दा बढी यात्रु थिए । दुर्घटनामा परेर ज्यान गएकाहरुको परिचय खुल्न सकेको छैन ।
अहिले दुर्घटनास्थलमा स्थानीय बासिन्दा, नेपाल प्रहरी र सशस्त्र प्रहरीले उद्धार र खोजि गरिरहेको छ ।
नेपाली काँग्रेस झापाका नेता देउमान थेवेका अनुसार आठ जनाको शव माथि तैरिएकै अवस्थामा भेटिएको छ । अहिले झापाको दोमुखामा साडी, थैली, चप्पल र मोबाइल भेटिँदै गरेका कारण त्यहाँ नेपाली सेना, सशस्त्र र जनपथ प्रहरी तथा स्थानीय पार्टी कार्यकर्ताले निगरानी राखिरहेका छन् ।
भिडियो सहित हेर्नुहोस !
Advertisement
0 comments