आज नेपाल र जापान च्यारिटी फुटबल खेल्दै, जीतको निरन्तरता कायम राख्ला नेपालले ?
8:20 PM
भिडियो सहित हेर्नुहोस !
Advertisement
नेपाली टिमका कप्तान अनिल गुरुङले फ्रेण्ड अफ जापानसँगको खेल च्यारिटी खेल नै भएपनि यसलाई हल्का रुपमा नलिने बताएका छन् । एन्फा कम्प्लेक्समा शुक्रबार भएको पत्रकार सम्मेलनमा कप्तान गुरुङले यो खेलबाट जापानका खेलाडीसँग राम्रो सम्बन्ध स्थापित हुने विश्वास रहेको बताए । उनले भने ‘यो खेल नेपाल र जापानका खेलाडीबिचको सम्बन्ध स्थापित गर्न महत्वपूर्ण हुने विश्वास छ ।’ खेलमा कोही पनि हार्न नचाहने भन्दै कप्तान गुरुङले नेपाली टिम जितका लागि खेल्ने बताए । जित दोहोरिन्छ स् प्रशिक्षक नेपाली टिमका प्रशिक्षक ग्योतोकु कोजीले आफ्नो टिम दबाबका बिच मैदानमा उत्रिए पनि जितकै लागि खेल्ने बताए । प्रशिक्षक कोजीले भने, ‘टिमका केही खेलाडी घाइते भएपनि हामी जित्ने लक्ष्यका साथ मैदानमा उत्रने छौंं । हामीले विदेशमा भर्खरै उपाधि जितेका छौं, देशमा खेल्दा पनि त्यही दोहोर्याउने छौं ।’ जापानी टिममा टोडा र गोलरक्षक नोजावा योसुकी राम्रा खेलाडी रहेको प्रशिक्षक कोजीले बताए । टोलीको प्रशिक्षकको जिम्मेवारी समेत लिएका जापानी टिमका खेलाडी काजुयुकीले आफूहरू जित्नका लागि नेपाल आएको बताए । उनले भने ‘ मैले सोलिडारिटी कप अन्तर्गत नेपालले ब्रुनाई र लाओससँग खेलेको खेल हेरेंँ । त्यसैले हामीले राम्रो तयारी गरेका छौं ।’ उनले वर्तमान नेपाली प्रशिक्षक रहेका जापानी कोजी आफ्नो युवाकालको प्रशिक्षक रहेकाले उनको टोलीसँग खेल्न उत्साहित रहेको बताए ।
भिडियो सहित हेर्नुहोस !
Advertisement
0 comments